சூட்சுமம்

பாதைகள் பல்லாயிரம்
இலக்கு ஒன்றுதான்
எல்லா மதமும் கூவுகிறது;
பாதை காவலர்கள்
உங்களை நெகிழ்விக்க
மாயங்கள் வித்தைகள் ஆச்சர்யங்கள்
கதைகள் பல கூறுவார்கள்
அன்பாய் மிரட்டவும் செய்வார்கள்;
எல்லாம் வல்ல மாயை
என்று நடுப்பாதை போடும்
நவீன புனிதர்கள்;
உண்மை எதுவென்றறியாது
சீனத்துக்காரனின் சிந்தனையில் சிவனோ
ஹங்கேரியன் கனவில் ஹரியோ
தோன்றியதாக தெரிந்தால்
ஒரு வழி கிடைக்கலாம் என்ற
பகுத்தாயும் மனத்தை அடக்கி
பக்தியில் பாய்ந்துவிட்டால் மோட்சம்
இல்லை இங்கும் அங்குமாய் வேஷம்;
சுடர்விடும் அறிவிங்கு இடரே
நிச்சயமற்ற கோட்பாட்டுக்கிணங்க
உணர்ந்தால் விளக்க இயலாது
விளங்கினால் உணர முடியாது.